بسكوته الشيكولاته

دى اول حاجه انا جربت اعملها

سهله خالص خالص

المقادير

اربع اكياس بسكوت ساده ويا سلام لو كان نوعه "لوكس"

معلقتين كبار كاكاو

معلقه سمن بلدى او زبده

بيضه

نصف كوب لبن
...................................
وممكن لو عندك شيكولاته سايبه تستعمليها بدل الكاكاو بس تبقى تحطى عليها نصف كبايه لبن ومتحطيش لبن تانى
..........................................................

طريقه العمل:

بتجيبى البسكوت وتقطعيه حتت صغيره بس مش مدغدغه

وبعدين تجيبى الكاكاو والبيضه واللبن والزبده وتحطيهم فى الخلاط وتضربيهم

وبعدين تحطيهم على البسكوت

القوام لازم يبقى متماسك ولو لقيتى فيه شيكولاته سايحه كتير كترى بسكوت

بتجيبى ورق فويل وتحطى فيه الخليط على هيئه خط كده

وبعدين تبدئى تلفى رول كده وحاولى تخليها كنزه من على الجناب وعاليه

فى الاخر هتبقى عامله زى العصايه التخينه كده
ومتنسيش تقفليها كويس من الجنبين

بعد كده تحطيها فى الفريزر لحد ما تتجمد

لما تتجمد بقى تطلعيها وتشيلى منها الفويل

وتقطعيها زى التوست كده

وبالهنا والشفا

اة زى الايس كريم الوتش صح

ميرسى يا توتا

بصى انا مفهمتش شكلها هيبقى ازاى
بس لو شبه الايس كريم الوتش افهمها تانى ونجرب
اوعى تكونى مجربتيهاش ازعل جربيها اول وقوليلى

بس تسلم ايديكى